1. ຊ່ວຍກະຕຸ້ນການເຮັດວຽກຂອງສະຫມອງ.
ສະຫມອງກໍຕ້ອງການອອກກໍາລັງກາຍເພື່ອໃຫ້ແຂງແຮງ ແລະ ມີສຸຂະພາບດີຢູ່ສະເໝີເຊັ່ນດຽວກັນກັບຮ່າງກາຍ ການອ່ານຫນັງສືຄືການອອກກໍາລັງກາຍສະຫມອງ ເຮັດໃຫ້ສະຫມອງຂອງພວກເຮົາໄດ້ຄິດ ແລະ ໄດ້ເຮັດວຽກຕະຫຼອດເວລາ. ອີງຕາມການສຶກສາພົບວ່າການກະຕຸ້ນການເຮັດວຽກຂອງສະໝອງຢ່າງສະໝຳສະເໝີແມ່ນສາມາດຊ່ວຍປ້ອງກັນການເປັນພະຍາດອັນໄຊສເມີ (Alzheimer) ແລະ ຊ່ວຍພັດທະນາຄວາມຊົງຈໍາໄດ້
ເຊັ່ນ: ເມື່ອເຮົາອ່ານຫນັງສື ເຮົາຈະຈື່ຈໍາຕົວລະຄອນຂອງເລື່ອງ ແລະ ລາຍລະອຽດປີກຍ່ອຍຕ່າງໆ ເຊິ່ງທຸກຄັ້ງມີຄວາມຊົງຈໍາໃຫມ່ໆ ສະຫມອງກໍຈະເກັບຂໍ້ມູນເຫຼົ່ານັ້ນໄວ້ ແລະ ຈະກັບມາເມື່ອພວກເຮົາຕ້ອງການໃຊ້ງານ ຍິ່ງອ່ານໜັງສືຫຼາຍ ສະໝອງຈະເຮັດຫນ້າທີ່ໃນການຈື່ຈຳໄດ້ຫຼາຍຂຶ້ນ.
2. ຫຼຸດພອນຄວາມຄຽດ ແລະ ຈິດໃຈສະຫງົບຫຼາຍຂຶ້ນ.
ທຸກຄັ້ງທີ່ເຮົາຕິດຢູ່ກັບການອ່ານຫນັງສືທີ່ດີ ຄວາມຄຽດຈາກການເຮັດວຽກ ຫຼື ບັນຫາສ່ວນຕົວຕ່າງໆ
ທີ່ເຮົາພົບເຈີຈະຖືກລືມທັນທີ ການອ່ານນະວະນິຍາຍມ່ວນໆ ຈະພາເຮົາໄປສູ່ໂລກອີກໂລກໜຶ່ງ.
ໃນຂະນະທີ່ການອ່ານບົດຄວາມດີໆຈັກບົດໜຶ່ງກໍສາມາດຊ່ວຍໃຫ້ເຮົາສຸມໃສ່ຢູ່ກັບປັດຈຸບັນ ແລະ ລືມຄວາມກັງວົນຕ່າງໆຂອງເຮົາໄດ້.
ນອກຈາກຈະຊ່ວຍໃຫ້ເຮົາຜ່ອນຄາຍແລ້ວ ການອ່ານຫໜັງສື່ກ່ຽວກັບສາສະໜາ ຍັງສາມາດຊ່ວຍໃຫ້ເຮົາຮູ້ສຶກສະຫງົບໄດ້ເຊັ່ນກັນ.
3. ໄດ້ຮັບຄວາມຮູ້.
ທຸກຢ່າງທີ່ເຮົາອ່ານຈະເປັນການເພີ່ມຄວາມຮູ້ຂອງເຮົາທັງນັ້ນ ເຊິ່ງເຮົາບໍ່ຮູ້ເລີຍວ່າເຮົາອາດຈະນໍາເອົາຄວາມຮູ້ ເຫຼົ່ານັ້ນອອກມາໃຊ້ຕອນໃດ ຍິ່ງເຮົາມີຄວາມຮູ້ຫຼາຍເທົ່າໃດ ຍິ່ງຈະເຮັດໃຫ້ເຮົາໄດ້ປຽບຫຼາຍກວ່າຄົນອື່ນ ເມື່ອປະເຊີນກັບບັນຫາ ແລະ ສິ່ງທ້າທາຍຕ່າງໆ ສິ່ງຂອງ ຫຼື ເງິນຄຳ ອາດຈະຖືກລັກໄປ ແຕ່ຄວາມຮູ້ແມ່ນສິ່ງທີ່ບໍ່ມີໃຜສາມາດເອົາໄປຈາກເຮົາໄດ້.
4. ມີທັກສະການສື່ສານທີ່ດີ.
ຍິ່ງເຈົ້າອ່ານຫຼາຍເທົ່າໃດ ເຈົ້າກໍຈະມີສັບຄຳເວົ້າຫຼາຍຂື້ນ ແລະ ຄຳສັບເຫຼົ່ານັ້ນຈະຖືກນໍາມາໃນຊີວິດປະຈໍາວັນແບບຫຼີກລ່ຽງບໍ່ໄດ້ເລີຍ ການຂຽນປື້ມດີໆ ຈະສົ່ງຜົນຕໍ່ການຂຽນຂອງຄົນທີ່ອ່ານ ເຊິ່ງຈະໄດ້ຊຶມຊັບວິທີ ແລະ ສະໄຕຮ ການຂຽນແບບນັກຂຽນຄົນນັ້ນ. ຈະຊ່ວຍໃຫ້ເຮົາພັດທະນາທັກສະການຂຽນຂອງຕົນເອງໃຫ້ດີກວ່າເກົ່າ. ຄົນທີ່ມີຄວາມສາມາດໃນອ່ານ ແລະ ເວົ້າ ມີຄວາມຮູ້ກວ້າງຂວາງ ມີຄວາມເປັນໄປໄດ້ສູງທີ່ຈະເຕີບໂຕໃນໜ້າທີ່ການງານຫຼາຍກ່ວາຄົນທີ່ມີຄົນມີຄວາມຮູ້ໃນດ້ານຕ່າງໆນ້ອຍ. ນອກຈາກນັ້ນ ການອ່ານໜັງສືພາສາຕ່າງປະເທດຍັງຊ່ວຍໃຫ້ຮຽນຮູ້ພາສາໃໝ່ໆ ເພາະວ່າເຮົາຈະໄດ້ຄໍາສັບໃຫມ່ໆ ເຊິ່ງຈະເຮັດໃຫ້ການເວົ້າ ແລະ ການຂຽນພາສານັ້ນໄດ້ຄ່ອງແຄ້ວຫຼາຍຂື້ນ.
5. ມີທັກສະການຄິດວິເຄາະ
ທ່ານເຄີຍອ່ານນະວະນິຍາຍນັກສືບສວນສອບສວນແລ້ວຄິດທີ່ຈະແກ້ໄຂບັນຫາດ້ວຍຕົວທ່ານເອງກ່ອນທີ່ຈະອ່ານຫນັງສືຈົບ ຫຼື ບໍ່? ການເກັບລາຍລະອຽດໃນເລື່ອງແລ້ວວິເຄາະເລື່ອງຕ່າງໆ ທີ່ເກີດຂື້ນ ຫຼື ຊອກຫາຕົວຄົນຮ້າຍໄດ້ເປັນຕົວຢ່າງຫນຶ່ງ ຂອງການນໍາໃຊ້ທັກສະການຄິດວິເຄາະ ການວິພາກວິຈານນະວະນິຍາຍໃນດ້ານຕ່າງໆ ບໍ່ວ່າຈະເປັນຊື້ເລື່ອງ,ບຸກຄະລິກກະພາບຂອງຕົວລະຄອນ, ຄວາມຫຼື່ນໄຫຼຂອງເນື້ອເລື່ອງ ລວມທັງການສະແດງຄວາມຄິດເຫັນກັບຄົນອື່ນອື່ນໆ ກ່ຽວກັບໜັງສືເຫຼັ່ມນັ້ນ ກໍເປັນການຊ່ວຍພັດທະນາທັກສະການຄິດວິເຄາະໄດ້ເຊັ່ນກັນ.
6. ມີສະມາທິຈົດຈໍ່ຢູ່ກັບສິ່ງໃດສິ່ງໜຶ່ງຫຼາຍຂື້ນ
ໃນໂລກອິນເຕີເນັດໄດ້ກາຍເປັນສ່ວນຫນຶ່ງທີ່ສໍາຄັນໃນຊີວິດປະຈໍາວັນຂອງພວກເຮົາ. ມີຫຼາຍສິ່ງຫຼາຍຢ່າງທີ່ດຶງດູດຄວາມສົນໃຈຂອງຄົນເຮົາໃນເວລາດຽວກັນ.ຫຼາຍຄົນສາມາດເຮັດວຽກ,ອ່ານອີເມວ,ສົນທະນາກັບຫມູ່ເພື່ອນ, ອ່ານສະຕໍຣີ ແລະ ລົມໂທລະສັບກັບເພື່ອນຮ່ວມງານໄດ້ພາຍໃນເວລາພຽງແຕ່ 5 ນາທີ ເຊິ່ງພຶດຕິກຳແບບນີ້ ຈະເຮັດໃຫ້ຄວາມສາມາດໃນວຽກງານຂອງເຮົາຫຼຸດລົງ ແລະ ອາດເປັນສາເຫດໃຫ້ເກີດຄວາມເຄັ່ງຄຽດໄດ້, ແຕ່ເວລາເຮົາໄດ້ອ່ານໜັງສືແລ້ວເຮົາກໍຈະໃສ່ໃຈ ແລະ ໂຟກັສໄປທີ່ເລື່ອງຕ່າງໆໃນສື່ເທົ່ານັ້ນ. ກ່ອນເລີມເຮັດວຽກ ລອງຫາເວລາອ່ານໜັງປະມານ 15-20 ນາທີ ແລ້ວເຈົ້າຈະເຫັນວ່າມັນສາມາດຊ່ວຍໃຫ້ເຮົາມີສະມາທິໃນການເຮັດວຽກຫຼາຍຂື້ນ.
7. ໃຫ້ຄວາມບັນເທີງ
ການອ່ານເປັນວິທີສ້າງຄວາມບັນເທີງໃຫ້ກັບຕົວເອງວິທີໜຶ່ງ ຫຼາຍຄົນມີຄວາມສຸກກັບການໄດ້ຊື້ປຶ້ມ ແຕ່ສໍາລັບບາງຄົນການໄປຢືມປື້ມຈາກຫໍສະຫມຸດເປັນທາງເລືອກທີ່ດີກວ່າ ເພາະຫໍສະໝຸດມີປຶ້ມຫຼາກຫຼາຍປະເພດ ໃຫ້ທ່ານເລືອກອ່ານໂດຍບໍ່ຕ້ອງເສຍເງິນຈຳນວນຫຼາຍເພື່ອມາຊື້ປື້ມ ແລະ ຫໍສະຫມຸດມັກຈະນຳເອົາປຶ້ມໃຫມ່ໆເຂົ້າມາສະເໝີ. ແນວໃດກໍຕາມຮາກເຮົາບໍ່ສະດວກໃນການທີ່ຈະໄປຫໍສະໝຸດເຮົາກໍສາມາດອ່ານປຶ້ມຜ່ານອຸປະກອນເອເລັກໂຕຼນິກຕ່າງໆໄດ້ ເພາະທຸກມື້ນີ້ມີປຶ້ມຫຼາຍຫົວທີມີເກັບໄວ້ໃນຮູບແບບຂອງ e-book ຫຼື PDF ທີສາມາດດາວໂຫຼດໄດ້ຟຣີ.
ທຸກຄົນມີຄວາມຄິດເຫັນແນວໃດສາມາດຄອມເມັນໃຕ້ຄອມເມັນໄດ້ເດີ🤗✍️
ຂໍຂອບໃຈທີ່ເຂົ້າມາອ່ານ😊🙏
ຂໍ້ມູນຈາກ:jobthai
