🤔ທ່ານຮູ້ບໍ່ວ່າໃນນະຄອນຫຼວງວຽງຈັນ ມີໂຮງຮຽນຈໍານວນທັງໝົດ 1088 ໂຮງຮຽນ, ປະຖົມ 533 ໂຮງຮຽນ, ມັດທະຍົມ 166 ໂຮງຮຽນ, ອະນຸບານ 389 ໂຮງຮຽນ, ແລະ ແມ່ນແລ້ວ 80 % ຂອງໂຮງຮຽນທັງໝົດ ແມ່ນບໍ່ມີຫ້ອງສະໝຸດ ແລະ 20 % ມີຫ້ອງສະໝຸດ ແຕ່ມີປຶ້ມອ່ານບໍ່ພຽງພໍ.

ດັ່ງນັ້ນ ! ເພື່ອເປັນການເປີດໂອກາດໃຫ້ນ້ອງໆໄດ້ເຂົ້າເຖິງປຶ້ມອ່ານ ແລະ ໄດ້ຮັບການສະໜັບສະໜູນຈາກພໍ່ເເມ່ປະຊາຊົນ ທຸກພາກສ່ວນໃນສັງລົມລາວ, ພວກເຮົາ ຕາງໜ້າຄະນະຈັດງານ ແລະ ນ້ອງໆອາສາສະໝັກ ງານບຸນມະໂຫລານ ສົ່ງເສີມການອ່ານ ນະຄອນຫຼວງວຽງຈັນ ຄັ້ງທີ 2 ປະຈຳປີ 2019 ຈຶ່ງຂໍເຊີນຊວນທຸກໆທ່ານທີ່ມີຈິດໃຈຮ່ວມ ເປັນສ່ວນໜຶ່ງໃນການສ້າງບຸກຄະລາກອນ ແລະ ຈິດສຳນຶກໃໝ່ ໃຫ້ນ້ອງໆ ພາຍໃຕ້ຫົວຂໍ້ “1 ຄອບຄົວ, 1 ໂຮງຮຽນ, 1 ຫ້ອງສະໝຸດ” ບໍ່ວ່າຈະເປັນ ປັດໄຈ, ວັດຖຸ, ອຸປະກອນການຮຽນ - ການສອນ, ເຄື່ອງໃຊ້ທົ່ວໄປ, ເຄື່ອງມື ອຸປະກອນກໍ່ສ້າງ(ເພື່ອປົວເເປງອາຄານຮຽນ ແລະ ຫ້ອງສະໝຸດ), ປຶ້ມທີ່ອ່ານເເລ້ວ, ເຄື່ອງນຸ່ງຮົ່ມທີ່ບໍ່ໄດ້ໃຊ້, ຕຸກກະຕາ ຕ່າງໆ ເພື່ອແບ່ງປັນ ໃຫ້ແກ່ບັນດານ້ອງໆທີ່ບໍ່ມີໂອກາດໄດ້ຮັບສິ່ງເຫຼົ່ານັ້ນ.❤❤❤ “ເພາະການເປັນຜູ້ໃຫ້ ສຸກໃຈກວ່າການເປັນຜູ້ຮັບ” 😊
📍ສະຖານທີ່ຮັບບໍລິຈາກ: ສູນການຄ້າ ວຽງຈັນເຊັນເຕີ ( ຊັ້ນ 2 ) ໜ້າຮ້ານ ຄຳພູວົງ ຕັ້ງແຕ່ມື້ນີ້ຈົນເຖິງວັນທີ 4/8/19